19

ഷി​ക്കാ​ഗോ: കെ​സി​എ​സ് ഷി​ക്കാ​ഗോ​യു​ടെ കു​ട്ടി​ക​ളു​ടെ വേ​ന​ൽ​ക്കാ​ല ക്യാ​മ്പാ​യ ക്നാ ​എ​സ്കേ​പ്പ് 6.0, ജൂ​ൺ 10 മു​ത​ൽ 13 വ​രെ അ​തി​ഗം​ഭീ​ര​മാ​യി സം​ഘ​ടി​പ്പി​ക്ക​പ്പെ​ട്ടു.

200-ല​ധി​കം കു​ട്ടി​ക​ൾ പ​ങ്കെ​ടു​ത്ത ഈ ​ക്യാ​മ്പ് പ​ഠ​ന​ത്തി​ന്‍റെ​യും വി​നോ​ദ​ത്തി​ന്‍റെ​യും വി​ശ്വാ​സ​ത്തി​ന്‍റെ​യും സൗ​ഹൃ​ദ​ത്തി​ന്‍റെ​യും മ​നോ​ഹ​ര സം​ഗ​മ​മാ​യി മാ​റി.

കു​ട്ടി​ക​ളു​ടെ സ​ർ​ഗാ​ത്മ​ക​ത​യും കൂ​ട്ടാ​യ്മ​യും വ്യ​ക്തി​ത്വ​വി​ക​സ​ന​വും ല​ക്ഷ്യ​മാ​ക്കി നി​ര​വ​ധി വൈ​വി​ധ്യ​മാ​ർ​ന്ന പ​രി​പാ​ടി​ക​ൾ ക്യാ​മ്പി​ൽ ഉ​ൾ​പ്പെ​ടു​ത്തി​യി​രു​ന്നു.

ആ​ർ​ട്സ് ആ​ൻ​ഡ് ക്രാ​ഫ്റ്റ്സ്, ക​ലാ​പ​രി​പാ​ടി​ക​ൾ, ചി​ത്ര​ര​ച​ന, പൂ​ന്തോ​ട്ട നി​ർ​മാ​ണം തു​ട​ങ്ങി​യ പ്ര​വ​ർ​ത്ത​ന​ങ്ങ​ളി​ൽ കു​ട്ടി​ക​ൾ ആ​വേ​ശ​പൂ​ർ​വം പ​ങ്കെ​ടു​ത്തു.

ഡെ​സ് പ്ലെ​യി​ൻ​സി​ലെ ക്നാ​ന​യാ ക​മ്യൂ​ണി​റ്റി സെന്‍റ​റി​ന് മു​ന്നി​ൽ പൂ​ച്ചെ​ടി​ക​ൾ ന​ട്ടു​പി​ടി​പ്പി​ക്കു​ക​യും അ​വ പ​രി​പാ​ലി​ക്കു​ക​യും ചെ​യ്ത​തി​ലൂ​ടെ പ്ര​കൃ​തി​യോ​ടു​ള്ള സ്നേ​ഹ​വും പ​രി​സ്ഥി​തി ബോ​ധ​വും കു​ട്ടി​ക​ളി​ൽ വ​ള​ർ​ത്തു​വാ​ൻ സാ​ധി​ച്ചു.

ക്യാ​മ്പി​ലെ ഏ​റ്റ​വും ശ്ര​ദ്ധേ​യ​മാ​യ പ​രി​പാ​ടി​ക​ളി​ലൊ​ന്നാ​യി​രു​ന്നു റി​പ്റ്റൈ​ൽ ഷോ. ​പാ​മ്പു​ക​ൾ, പൈ​ത്ത​ണു​ക​ൾ, ഭീ​മ​ൻ ഓ​സ്ട്രേ​ലി​യ​ൻ പ​ല്ലി​ക​ൾ, കോ​ക്രോ​ച്ചു​ക​ൾ, ഡ്രാ​ഗ​ൺ ട​ർ​ട്ടി​ൽ തു​ട​ങ്ങി​യ ജീ​വി​ക​ളെ നേ​രി​ൽ കാ​ണാ​നും സ്പ​ർ​ശി​ക്കാ​നു​മു​ള്ള അ​വ​സ​രം കു​ട്ടി​ക​ൾ​ക്ക് ല​ഭി​ച്ചു.

വി​ജ്ഞാ​ന​വും ആ​വേ​ശ​വും ഒ​രു​പോ​ലെ പ​ക​ർ​ന്ന ഈ ​പ​രി​പാ​ടി കു​ട്ടി​ക​ൾ​ക്ക് മ​റ​ക്കാ​നാ​വാ​ത്ത അ​നു​ഭ​വ​മാ​യി.

വി​ശ്വാ​സ​പ​രി​ശീ​ല​ന​വും ക്നാ​ന​യാ പൈ​തൃ​ക പ​ഠ​ന​വും ക്നാ

​എ​സ്കേ​പ്പ് 6.0യു​ടെ പ്ര​ധാ​ന ഘ​ട​ക​ങ്ങ​ളാ​യി​രു​ന്നു. ഫാ. ​ജോ​സ് കു​ന്ന​ത്തു​കി​ഴ​ക്കേ​തി​ൽ ന​യി​ച്ച ക്ലാ​സു​ക​ൾ കു​ട്ടി​ക​ൾ​ക്ക് വി​ശ്വാ​സ​ത്തെ​യും ക്നാ​ന​യാ പാ​ര​മ്പ​ര്യ​ത്തെ​യും കു​റി​ച്ചു​ള്ള ആ​ഴ​ത്തി​ലു​ള്ള അ​റി​വ് പ​ക​ർ​ന്നു.

ക്നാ​ന​യാ സം​സ്കാ​ര​ത്തി​ന്‍റെ മ​ഹ​ത്വ​വും വി​ശ്വാ​സ ജീ​വി​ത​ത്തി​ന്‍റെ പ്രാ​ധാ​ന്യ​വും അ​ദ്ദേ​ഹം ല​ളി​ത​മാ​യി അ​വ​ത​രി​പ്പി​ച്ചു. കു​ട്ടി​ക​ളു​ടെ സ​ജീ​വ പ​ങ്കാ​ളി​ത്ത​വും കൗ​തു​കം നി​റ​ഞ്ഞ ചോ​ദ്യ​ങ്ങ​ളും ഈ ​സെ​ഷ​നു​ക​ളു​ടെ വി​ജ​യ​ത്തി​ന് തെ​ളി​വാ​യി.

ഔ​ട്ട്ഡോ​ർ വി​നോ​ദ​പ​രി​പാ​ടി​ക​ളും ക്യാ​മ്പി​ന്‍റെ പ്ര​ധാ​ന ആ​ക​ർ​ഷ​ണ​മാ​യി​രു​ന്നു. പ്രാ​ദേ​ശി​ക പാ​ർ​ക്ക് ഡി​സ്ട്രി​ക്ടി​ൽ സം​ഘ​ടി​പ്പി​ച്ച ഡോ​ഡ്ജ് ബോ​ൾ, ട​ഗ് ഓ​ഫ് വാ​ർ, ഹി​ൽ ക്ലൈം​ബിം​ഗ്, മ​റ്റ് ടീം ​ബി​ൽ​ഡിം​ഗ് ഗെ​യി​മു​ക​ൾ എ​ന്നി​വ​യി​ൽ കു​ട്ടി​ക​ൾ ആ​വേ​ശ​ത്തോ​ടെ പ​ങ്കെ​ടു​ത്തു.

പു​തി​യ സൗ​ഹൃ​ദ​ങ്ങ​ൾ വ​ള​ർ​ത്താ​നും ജീ​വി​ത​കാ​ലം മു​ഴു​വ​ൻ ഓ​ർ​മ്മി​ക്കാ​വു​ന്ന അ​നു​ഭ​വ​ങ്ങ​ൾ സ​മ്മാ​നി​ക്കാ​നും ഈ ​പ്ര​വ​ർ​ത്ത​ന​ങ്ങ​ൾ​ക്ക് സാ​ധി​ച്ചു.

ഈ ​മ​ഹ​ത്താ​യ വി​ജ​യ​ത്തി​ന് പി​ന്നി​ൽ പ്ര​വ​ർ​ത്തി​ച്ച പ്ര​ധാ​ന കോഓ​ർ​ഡി​നേ​റ്റ​ർ​മാ​രാ​യ ക്രി​സ് ക​ട്ട​പ്പു​റം, റ്റീ​ന നെ​ടു​വാ​മ്പു​ഴ, ഫെ​ലി​ക്സ് പൂ​ത്രു​ക​യ്യി​ൽ എ​ന്നി​വ​രു​ടെ സ​മ​ർ​പ്പ​ണ​വും നേ​തൃ​ത്വ​വും പ്ര​ത്യേ​കം അ​ഭി​ന​ന്ദ​നാ​ർ​ഹ​മാ​ണ്.

അ​വ​രു​ടെ അ​ക്ഷീ​ണ പ്ര​യ​ത്‌​ന​മാ​ണ് കു​ട്ടി​ക​ൾ​ക്ക് സു​ര​ക്ഷി​ത​വും സ​ന്തോ​ഷ​ക​ര​വും വി​ജ്ഞാ​ന​പ്ര​ദ​വു​മാ​യ ക്യാ​മ്പ് അ​നു​ഭ​വം സ​മ്മാ​നി​ച്ച​ത്.

അ​തു​പോ​ലെ ത​ന്നെ കെ​സിജെഎ​ൽ കോഓ​ർ​ഡി​നേ​റ്റ​ർ​മാ​രാ​യ ബെ​ക്സി പൂ​വ​ന്ത​റ, വി​നീ​ത പെ​രി​ക​ല​ത്തി​ൽ, മ​ഹി​മ കാ​രാ​പ്പ​ള്ളി​ൽ, കി​ഡ്സ് ക്ല​ബ് കോ​ഓർ​ഡി​നേ​റ്റ​ർ​മാ​രാ​യ ഐ​മ പു​ത്യേ​ട​ത്ത്, മ​രി​യ കു​ന്നും​പു​റ​ത്ത്, കൂ​ടാ​തെ ടി​നു ഓ​ച്ചാ​ലി​ൽ, ലി​ൻ​സ​ൺ കൈ​ത​മ​ല​യി​ൽ, ജെ​റ്റ്സി ഇ​ടി​യാ​ലി​ൽ, ബെ​ക്കി ഇ​ടി​യാ​ലി​ൽ, മാ​ർ​ക്ക് ഒ​റ്റ​തൈ​ക്ക​ൽ എ​ന്നീ സ​ന്ന​ദ്ധ പ്ര​വ​ർ​ത്ത​ക​രു​ടെ​യും സേ​വ​നം ക്യാ​മ്പി​ന്‍റെ വി​ജ​യ​ത്തി​ൽ നി​ർ​ണാ​യ​ക പ​ങ്കു​വ​ഹി​ച്ചു.

യു​വ​ജ​ന​ങ്ങ​ളും ഹൈ​സ്കൂ​ൾ വി​ദ്യാ​ർ​ത്ഥി​ക​ളും ചെ​റി​യ കു​ട്ടി​ക​ൾ​ക്ക് മാ​ർ​ഗ്ഗ​നി​ർ​ദ്ദേ​ശ​വും പി​ന്തു​ണ​യും ന​ൽ​കി​ക്കൊ​ണ്ട് ക്യാ​മ്പി​നെ കൂ​ടു​ത​ൽ ഉ​ജ്ജ്വ​ല​മാ​ക്കി.

എ​ല്ലാ​റ്റി​നു​മു​പ​രി, കെസിഎ​സ് പ്ര​സി​ഡ​ന്‍റ് ജോ​സ് ആ​ന​മ​ല​യും വൈ​സ് പ്ര​സി​ഡ​ന്‍റ് മാ​റ്റ് വി​ള​ങ്ങാ​ട്ടു​ശേ​രി​ലും ക​മ്മ്യൂ​ണി​റ്റി സെ​ന്റ​റി​ലെ കു​ട്ടി​ക​ളു​ടെ സു​ര​ക്ഷ ഉ​റ​പ്പാ​ക്കു​ന്ന​തി​ൽ മാ​തൃ​കാ​പ​ര​മാ​യ നേ​തൃ​ത്വം ന​ൽ​കി.